На ден 02.10.2025 година, вечерта беше одржана годишната средба на претседателите на Ротари клубот Прилеп, на којашто присуствуваа повеќе паст (поранешни) претседатели, како и актуелниот претседател.
Оваа иницијатива започна претходната година, на предлог на сега покојниот чартер претседател д-р Александар Ристески. Таа средба беше оценета како исклучително корисна и беа истакнати заложбите за понатамошни дружења.
Во чест на д-р Ристески, претходната година беше истакната заложбата средбата да прерасне во традиционална на начин што ќе се одржува секоја наредна година, носејќи го неговото име и тоа во периодот кога трагично го загуби животот.
На средбата беше разговарано за актуелните активности на клубот, за што беше изразена широка поддршка и разбирање, а беа евоцирани и спомени за прекрасните дружења и успешно реализираните проекти во минатото. Се разбира дека ваквите средби претставуваат идеална можност да се реобнови енергијата и ентузијазмот за она што е клупска мисија, но и да се потврди дека дејствувањето во сегашноста е со длабоки корени во минатото и ќе се протега до недоглед во иднината. Сите овие средби, истовремено, не’ потсетуваат на човечкиот капитал со кој располагаме и во таа смисла, со неограничениот потенцијал да се сработи нешто добро за заедницата, за сите.


